घरायसी चुलो MICS-HH-06 ले RETS परीक्षणमा NIBC 2016 का सबै सूचक पूरा गर्यो
प्रज्ञा–प्रतिष्ठानअन्तर्गतको नवीकरणीय ऊर्जा परीक्षण केन्द्रले २७.३४ प्रतिशत उच्च शक्ति तापीय दक्षतासहित दक्षता, उत्सर्जन, सुरक्षा र टिकाउपनका सबै सूचक मापदण्डअनुरूप पाएको छ।

नेपाल विज्ञान तथा प्रविधि प्रज्ञा–प्रतिष्ठानअन्तर्गतको नवीकरणीय ऊर्जा परीक्षण केन्द्र (RETS) ले मातृभूमि दुई मुखे प्राकृतिक ड्राफ्ट माटोको चुलो, मोडेल Matribhumi/MICS-HH-06 को उत्पादन परिचय परीक्षण नेपाल अन्तरिम मापदण्ड (NIBC 2016) अनुसार गरेको छ।
Aprovecho Research Center को LEMS प्रणालीबाट तीन पटक परीक्षण गरिएको थियो। चुलोको उच्च शक्ति तापीय दक्षता २७.३४ प्रतिशत पाइयो (न्यूनतम २० प्रतिशत), र विशिष्ट खपत, CO, PM2.5, भान्साभित्रको उत्सर्जन दर, सुरक्षा (८९, मापदण्ड ८८) तथा टिकाउपन सबै सूचक मापदण्डअनुरूप पाइए।
पूरा नतिजा तालिका र मूल प्रमाणपत्र (नं. BL-ICS 1420, मिति १६ मे २०२४) हाम्रो प्रमाणपत्र पृष्ठमा राखिएको छ।